Дзяржаўная ўстанова культуры “Палац культуры вобласці” 18 студзеня 2020 года праводзіць адкрыты семінар-практыкум “Захаванне і папулярызацыя традыцый народнай культуры ў сучасных умовах”.
Пачатак семинара-практыкума ў 11.30. па адрасу: г. Магілёў, праспект Пушкінскі, 7, Палац культуры вобласці (праграма дадаецца).
У рамках семінара-практыкума адбудзецца канцэрт фальклорнага гурта “Варган” установы адукацыі “Полацкі дзяржаўны ўніверсітэт”*– гэта творчая майстэрня з пазнавальнай тэарэтычнай часткай ад кіраўніка гурта Вольгі Емяльянчык (дацэнт кафедры гісторыі Полацкага дзяржаўнага ўніверсітэта). Удзельнікі гурта выканаюць народныя песні і інструментальную музыку, прадставяць бытавыя танцы і традыцыйныя калядныя гульні.
Запрашаем да ўдзелу ўсіх, хто цікавіцца беларускай традыцыйнай культурай і тых, хто яшчэ толькі пачынае з ёю знаёміцца.
Прапануецца вялікая, насычаная праграма, якая працягнецца да 16.00.
Кошт уваходнага квітка – 5 рублёў. Квіткі можна набыць загадзя ў касе Палаца культуры вобласці, а таксама непасрэдна ў дзень правядзення мерапрыемства.
Даведкі па тэлефонах – Палац культуры вобласці: 64-60-77, 77-43-44
Калі ласка, прыхапіце з сабой зручны зменны абутак – будуць танцы, у якіх запрашаем паўдзельнічаць усіх ахвотных!
*Полацкі фальклорны гурт «Варган» аб’яднаў людзей, зацікаўленых традыцыйнай культурай беларусаў. Калектыў займаецца вывучэннем і аднаўленнем беларускай традыцыйнай творчасці: песеннай (як абрадавай, так і лірычнай), танцавальнай, інструментальнай. Прынцыповая пазіцыя ўдзельнікаў гурта – імкненне да пераняцця аўтэнтычнай, арыгінальнай манеры выканання. Гурт «Варган» выконвае музыку з розных гісторыка-культурных рэгіёнаў Беларусі. Асаблівае месца ў рэпертуары гурта займае спеўны матэрыял Беларускага Падзвіння, запісаны ўдзельнікамі гурта падчас этнаграфічных экспедыцый. «Варган» прымае удзел у разнайстайных культурных мерапрыемствах, рэканструкцыі абрадавых дзеяў, праводзіць спеўныя і танцавальныя вечарыны. У 2018 годзе гурт «Варган» выпусціў дэбютны альбом «Зялён явар, дуброва. Музыка Полаччыны». У альбоме прадстаўлены песні і інструментальныя кампазіцыі, якія некалі гучалі на тэрыторыі Полацкай зямлі. Альбом выйшаў у межах праекта Традыцыя / Tradycyja.
ПРАГРАМА адкрытага семінара-практыкума “Захаванне і папулярызацыя традыцый народнай культуры ў сучасных умовах”
Дата правядзення: 18 студзеня 2020 г.
Арганізатар: дзяржаўная ўстанова культуры “Палац культуры вобласці”, г.Магілёў
Месца правядзення: дзяржаўная ўстанова культуры “Палац культуры вобласці”, г.Магілёў
Удзельнікі: мастацкія кіраўнікі, метадысты, кіраўнікі фальклорных калектываў, аб’яднанняў клубных устаноў, устаноў адукацыі, аматары фальклору
| Час правядзення | Мерапрыемства |
| да 11.30 | Заезд, рэгістрацыя ўдзельнікаў семінара-практыкума |
| 11.30-11.40 | Адкрыццё семінара-практыкума Жаркоўская І.І., дырэктар дзяржаўнай установы культуры“Палац культуры вобласці” |
| 11.40-12.00 | Майстар-клас “Метады выхавання і навучання ў дзіцячым фальклорным калектыве “Покліч” сродкамі беларускага фальклору” Калтовіч В.С., кіраўнік дзіцячага фальклорнага калектыва “Покліч” дзяржаўнай установы культуры “Палац культуры вобласці” |
| 12.00 | Творчая майстэрня “Жывая традыцыя” фальклорнага гурта “Варган” установы адукацыі “Полацкі дзяржаўны ўніверсітэт”: канцэрт-лекторый фальклорнага гурта “Варган”; |
| 12.30 | перапынак |
| 13.00 | рэгіянальная песенная і інструментальная творчасць; народны бытавы танец; традыцыйныя калядныя ігры Емяльянчык В.А., дацэнт кафедры гісторыі, кіраўнік фальклорнага гурта “Варган” установы адукацыі “Полацкі дзяржаўны ўніверсітэт” |
| 16.00 | Падвядзенне вынікаў семінара-практыкума. Індывідуальныя кансультацыі. |
