Народны тэатр дзяржаўнай установы культуры “Палац культуры вобласці” 29 верасня прапанаваў гледачам спектакль “Галоўны экзамен” паводле драмы выдатнага беларускага пісьменніка Івана Шамякіна “Экзамен на восень”. Кіраўнік народнага тэатра і рэжысёр-пастаноўшчык Аліка Кускова.
Гэта гісторыя жыцця вясковай настаўніцы і яе траіх сыноў, якая распавядае пра выпрабаванні на шляху маладога пакалення васьмідзесятых гадоў мінулага стагоддзя, духоўным станаўленні і пошуку свайго месца ў грамадстве. Узнятыя аўтарам маральна-этычныя праблемы, духоўныя каштоўнасці – такія, як дабро і зло, пачуццё абавязку, патрыятызм застаюцца актульнымі і зараз.
